About Us

१ कोरिन्थी ३ः६,७ पदानुसार,“मैले रोपें, अपोल्लोसले पानी हाले, तर परमेश्वरले नै बढ़ाउनुभयो । ७ यसकारण रोप्ने केही होइन, न पानी हाल्ने केही हो, तर परमेश्वर मात्र, जसले वृद्धि दिनुहुन्छ।”
यस पदले भनेझैँ हाम्रा दिग्गज जनहरुले आफ्नो ज्यान परमेश्वरको निम्ति निक्षावर गरि यस जिवित मण्डलीलाई यहाँसम्म लिएर आउनु भएको छ परमेश्वरको अनुग्रहमा  अन्तयसम्मै लानुहुन्छ भन्ने कुरामा हामी विस्वस्त छौ। परमेश्वरले आफ्नो कार्य निरन्तर बढाउदै जानु हुदाँ हामीले हाम्रो मण्डलीमा अझै सक्रिय व्यक्तिहरूलाई उहाँको सेवामा समाहित गर्ने अवसर प्रदान गर्नु भयो।सन् २०११ मा NOCF द्वारा आयोजित सातौँ सम्मेलनमा जो अवुधावीको साविया अवस्थित EMIRATES INTERNATIONAL FUTURE ACADEMY स्कूलको हलमा, नेपालबाट पाल्नु भएका अति नै आदर योग्य तथा विनम्र नेपाल इसाई मण्डलीका स्वर्गीय पा शामुएल कार्थक ज्युद्वारा पास्टर सेवाकाईमा सोम के.सी ज्यु र विरमान राई विएम ज्युलाई, एल्डर सेवकाईमा दल बहादुर गजमेर -डि=बी_ ज्यु र बम बहादुर थापा मगर -सुनिल) ज्युलाई, डिकन सेवकाईमा गोपाल पुलामी मगर ज्यु र रतन महतरा ज्युहरुलाई अभिषेक मागिदिनु भयो। सन् २०१५ सम्ममा आईपुग्दा मण्डलीले आफ्नै मण्डलीको सेवा कार्यको सहजताको लागि गाडी लिन सक्ने बनाउनु भएकोमा परमेश्वरलाई स–हृदय धन्यवाद।  सन् २५ डिसेम्वर, २०१५ मा आवुधवीको अल नाहदा स्कूलको हलमा भएको एन= ओ= सि= एफ्= को एघारौँ सम्मेलनमा पाष्टर लाजरस थुलुङ्ग ज्यूद्वारा यू=ए=ई= का नेपाली मण्डलीका पाष्टर ज्यूहरु, अगुवाज्यूहरु र सम्पूर्ण मण्डलीका विश्वासी जनहरुको उपस्थितीमा पाष्टर, एल्डर, डिकन को सेवाकाईका लागि पास्टरमाः डिबी गजमेर र सुनिल थापा मगर, एल्डरमाः रतन महतरा, कमल थापा, अमृत पुन, डिकनमाः, राजकुमार पुन, संजय परियार अभिषेक हुनु भएको  थियो ।
परमेश्वरले आफ्नो कार्य द्रुत गतिमा अगाडि बढाउनु भयो फलस्वरूप सन् १२ अगस्त २०१६ शुक्रबारका दिन  परमेश्वरले फेरी पनि नयाँ व्यक्तिहरूलाई सेवाकाईमा डोर्याउनु भयो । नव जागृति नेपाली मण्डलीको १६औ वार्षिकोत्सवमा यू.ए.ईमा नै रहेका नेपाली मण्डलीका आदरणिय पाष्टरहरु मिली पास्टर सेवकाईमा गोपाल पुलामी मगर ज्युलाई, एल्डर सेवकाईमा रुईस झुण्डका पावल राई ज्युलाई अभिषेक गरियो । सेवकाईको दौरान परमेश्वरले हाम्रो मण्डलीलाई अनगिन्ती आशिषले भरपुर पार्नु भएको देख्दा हाम्रा मुखबाट धन्यवाद नदिईरहन सक्दै सक्दैन। सन् २०२०, जनवरी १ बाट यू.ए.ई देशको कानुन अनुसार पूर्णकालीन पास्टर सेवाकाईमा हाम्रो आदरणीय पा.गोपाल पुलामी मगर ज्युलाई पाउनु झनै हाम्रो लागि सुनमा सुगन्ध थपे झैँ भएको छ। यहाँको सरकारको कानुनले हरेक मण्डलीको आफ्नै पूर्णकालीन पास्टर सेवकाईमा हुनु पर्ने नियमले गर्दा हाम्रो मण्डलीमा ठूलो बज्रपात परेको थियो तर उक्त परिस्थितिबाट परमेश्वरले हामीलाई उम्काउनु भयो । जसको लागि परमेश्वरलाई कोटी कोटी धन्यवाद र यस विषम परिस्थितिमा हाम्रो साथमा उभिकन हामीलाई थप हौसला थपिदिनु भएकोमा लोगस बाइबल कलेज तथा उक्त कलेजको प्रिन्सिपल आदरणीय रेभरेन हेमसागर रसाइली ज्युप्रति मण्डली सदैव आभार रहनेछ।
यो समयसम्म आइपुग्दा परमेश्वरको कृपाले हाम्रो मण्डलीलाई गन्नै नसक्ने आशिष दिनुभएको कुरामा कुनै दुइमत नहोला । हाल हाम्रो मण्डलीमा ड्युटीको कारण हप्तामा ३ दिन सेवा सङ्गती संचालन भईरहेको छ। शनिबार, आइतबार र सोमबार गरी सप्ताहको ३दिन हुने गर्दछ । शनिबार बेलुकी ५:३०– ७:३० सम्म सङ्गतीको लागि ठूलो बस ८ वटा अबुधाबी सिटीको प्रत्येक कुनाबाट,२ माइक्रो बस र २५ भन्दा बढी व्यक्तिगत गाडीबाट आई सेवासङ्गतीमा सहभागी भईरहनु भएको छ ।लगभग ३०० देखि ४०० जना भेला भई प्रत्येक शनिवार परमेश्वरको महिमा गर्ने गर्दछौ। आइतबार दिउँसो ३–५ सम्म ठूलो बस २ वटा र १ माइक्रो बस तथा ६ वटा भन्दा बढी व्यक्तिगत गाडीबाट आई सेवासङ्गतीमा सहभागी भईरहनु भएको छ। लगभग ९० देखि १२० जना भेला भई प्रत्येक आइतबार परमेश्वरको महिमा गर्ने गर्दछौ। सोमबार बेलुकी ५ः३०–७ः३० सम्म १ ठूलो बस र १ माइक्रो बस तथा ८ भन्दा बढी व्यक्तिगत गाडीबाट आई सेवासङ्गतीमा सहभागी भईरहनु भएको छ।लगभग ७० देखि १०० जना भेला भई प्रत्येक सोमबार परमेश्वरको महिमा गर्ने गर्दछौ। साथै हाम्रो मण्डलीले जवान सङ्गती महिनाको चौथो हप्ता(शनिबार)र सोमबार, अहिले जवानहरुको उपवास प्रार्थना हरेक महिनाको दोस्रो हप्ता पनि चलिरहेको छ । बाल सङ्गती प्रत्येक हप्ता, दिदीबहिनी सङ्गती महिनाको तेस्रो  हप्ता (शनिबार)र चौथो हप्ता (सोमबार), दिदीबहिनीहरु कै सारारात प्रार्थना हरेक महिनाको अन्तिम शुक्रबार हुदछ ।पाष्टर अगुवाहरको पनि सारा रात प्रार्थना हरेक महिनाको पहिलो हप्ताको शुक्रबार हुने गर्दछ ।  घरेलु सङ्गतीका झुण्डहरु,क्वाएरका झुण्डहरु,असरका झुण्डहरु,गाडि लिड गर्ने झुण्डहरु, फोटो ग्राफरका झुण्डहरु, प्रोजेक्टरका झुण्डहरु लगायतका थुप्रै आशिषले भरपुर पार्नु भएको छ। परमेश्वरले दिनुभएको यतिका विशाल आशिषलाई सहि मार्गनिर्देश गर्नको लागि हाम्रो मण्डलीमा १२ सदस्य व्यवस्थापन समिति पनि परमेश्वरले हामीलाई आशिषको रुपमा दिनुभएको छ।
मण्डलीले आफुले पाएको आशिष आफैमा मात्र सिमित नराखी विभिन्न ठाउँहरूमा सेवा गर्ने अवसरहरू प्रभुले दिनु भएको छ ।
 
यसरी नव जागृति नेपाली मण्डलीलाई परमेश्वरले संख्यात्मक, आर्थिक, भौतिक र आत्मिक क्षेत्रमा उकास्दै लानु भयो र यी सबै कुराको श्रेय हाम्रा महान् परमेश्वरलाई नै भएको होस्।यसको साथै मण्डली आशिषित हुनुमा यस मण्डलीका पास्टर, एल्डर, डिकन, अगुवा जनहरु तथा साङ्गीतिक झुण्डका भाइबहिनीहरुको योगदान रहेको छ । साथै मण्डलीका सबै विश्वासीहरुको आत्मिकी जोश, परमेश्वर प्रतिको निस्वार्थ प्रेम र मण्डलीप्रति समर्पित भएर परमेश्वरको सेवा गर्ने मन भएकोले पनि परमेश्वरले यस मण्डलीलाई अझ आशिषित तुल्याउनु भएको हो।
मण्डलीको उद्देश्यः
यूएईमा भएका सम्पूर्ण नेपाली विश्वासीहरूले आराधना सेवा गर्ने अवसर पाउन
अविश्वासी नेपाली दाजुभाई तथा दिदीबहिनीहरुले परमेश्वरलाई चिन्ने अवसर पाउन
विश्वासीहरूलाई नेपालमा रहेका स्थानीय मण्डलीहरुसंग सेवकाईमा हातेमालो गर्न उत्साहित गराउने
अन्त्यमाः
यहाँसम्म लिएर आउनु भएको उनै परमेश्वरलाई मुरीमुरी धन्यवाद साथै आभार प्रकट गर्दछौं। आबुधाबी इभान्जेलिकल चर्च को सानो कोठाबाट सुरु भएर कहिले स्कूलको सानो कोठा त कहिले रेष्टुरेन्टको हल हुदै परमेश्वरले अहिले हामीलाई सबैकुराले भरिपूर्ण पारिदिनु भएको हलसम्म आईपुग्दा  भजनसंग्रह ३०ः५.ले भने झैँ “आँसु रातभरि मात्र बग्छ, तर बिहान आनन्द आउँदछ।” भएको छ। सुरुवातको दिनलाई याद गर्दा ३÷४ जना मिलेर स्थापना गरेका थियौं आज आउदा ५००–६०० भन्दा बढी विश्वासी जनहरु संग मिलेर सेवा सङ्गती गर्न पाउनु हाम्रो लागि साच्चै नै दुध र मह बहने स्थानमा स्थापित गर्नुभएझै आभाष हुन्छ।यी सबै कुराको तर्जुमा गरिदिनु भएको हाम्रा प्रेमी प्रभुको जय।
जयमसिह साथै धन्यवाद ।