Welcome to New Revival Nepali Church
मण्डलीको शिर हाम्रा महामहिम येशू ख्रीष्ट हुनुहुन्छ । उहाँ नै हाम्रो NRNC मण्डलीको जग हुनुहुन्छ र उहाँले नै हाम्रो मण्डलीलाई अगुवाई गरिरहनुभएको छ । यसको एउटा अभिन्न अङ्ग हुनु पाउदा हामी उहाँप्रति कृतज्ञता ज्ञापन पनि गर्दछौ । कामको सिलसिलामा हामी आबुधाबी आएका थियौ र माछा पानीविना बाँच्न सक्दैन भने झैँ हामीहरू पनि सङ्गती बेघर बस्न सकेनौँ। हामीले सङ्गती गर्ने ठाउँ सन् १९९९ बाट नै खोज्ने कार्यलाई तिव्रता गर्यौ र अन्ततः सन् २०००, अगष्टमा हामीले अंग्रेजी भाषाको सङ्गतीमा जोडिने अवसर पायौँ। हामी निरन्तर सोही सङ्गतीमा जान थाल्यौं र नेपालीहरुको उपस्थित संख्या पनि परमेश्वरले निरन्तर बढाउनु भयो । फलतः स्वर्गीय पा.दानिएल ग्रिमरको मातहतमा हामीले नेपाली भाषी सङ्गती गर्ने अवसर सन् २००१ बाट “आबुधाबी इभान्जेलिकल चर्च ” को माथिल्लो तलाको सानो कोठाबाट सुरुवात गर्यौं ।
Youth Ministry
सुरुवातमा हाम्रो मण्डलीमा युवाहरूको संख्या धेरै थोरै थियो । मण्डलीको प्रारम्भिक चरणमा धेरैजसो युवाहरू विदेशको व्यस्त जीवन, कामको दबाब, समय अभाव र आत्मिक कमजोरीका कारण मण्डलीमा सक्रिय हुन सकिरहेका थिएनन् । तर, हामीले कहिल्यै आशा छाडेनौं । हामीले नियमित रूपमा युवाहरूका लागि विशेष प्रार्थना गरिरह्यौं — परमेश्वरले युवाहरूको जीवनमा जागृति ल्याउनुहोस्, उनीहरूलाई आत्मिक रूपमा बलियो बनाउनुहोस्, र मण्डलीको भावी नेतृत्वका लागि प्रयोग गर्नुहोस् भन्ने हाम्रो प्रार्थना थियो ।
परमेश्वरले हाम्रो निरन्तर प्रार्थनालाई सुनिदिनुभयो । उहाँले आफ्ना विश्वासयोग्य सेवकहरूलाई उठाउनुभयो, जसले युवाहरूका लागि हृदयमा बोझ राखे । ती सेवकहरूको अगुवाइमा, “युवा सेवा” सुरु गरियो । आरम्भमा केही गनिने सक्ने युवाहरू मात्र सहभागी थिए, तर ती युवाहरू आत्मिक रूपमा प्रतिबद्ध, सेवामा समर्पित र अनुशासित थिए ।
Usher Ministry
सबैभन्दा पहिले हामी हाम्रो महान परमेश्वरलाई धन्यवाद दिन्छौं, उहाँले अहिले पनि NRNC मण्डलीलाई आफ्नो महान योजनामा अगाडि बढाइरहनुभएको छ । सन् 2000 देखि हालसम्म, यस मण्डलीमा धेरैजसो असर (Usher) टिमहरूले समर्पित रूपमा सेवा गरेका छन् । तीमध्ये केही सदस्यहरू समयसँगै आ–आफ्नो देश फर्किसकेका छन् भने केही अझै पनि यही मण्डलीमा असर लिडर र असरको सेवाकार्यको रूपमा सक्रिय छन् ।
यस यात्रामा मण्डलीको हरेक सेवामा उहाँको अद्भुत सहायता निरन्तर अनुभव गरिरहेका छौं । NRNC को स्थापना भएदेखि अहिलेसम्म उहाँ मण्डलीको असर सेवालाई आफ्नो महिमाका लागि प्रयोग गरिरहनुभएको छ । सुरुदेखि नै मण्डलीमा प्रार्थनाको आत्मा बोकी, परमेश्वरको घरलाई व्यवस्थित, शान्त र स्वागतपूर्ण बनाउने कार्यमा निरन्तर मेहनत गर्दै आइरहेका छौं ।
पास्टोरल टीम
मण्डलीलाई परमेश्वरको वचनद्वारा शिक्षा दिन, आत्मिक रूपमा अगुवाइ गर्न, हौसला प्रदान गर्न र सेवाकार्यमा सुसज्जित बनाउन समर्पित छ। हामी विश्वास गर्छौं कि प्रभु येशू ख्रीष्ट नै मण्डलीका सर्वोच्च गोठाला हुनुहुन्छ, र हामी उहाँको प्रेम, नम्रता र सेवाभावलाई पछ्याउँदै उहाँका जनहरूको सेवा गर्न बोलाइएका छौं।
हाम्रो चाहना प्रत्येक विश्वासीलाई परमेश्वरसँग गहिरो सम्बन्धमा बढ्न, विश्वासमा परिपक्व हुन, र सुसमाचारको गवाहीद्वारा संसारमा उज्यालो बन्न सहयोग गर्नु हो। कृपया हाम्रो मण्डलीका पास्टर् का लागि प्रार्थना गर्नुहोस् ताकि हामी बुद्धि, सत्यनिष्ठा र प्रेमसहित परमेश्वरको सेवामा विश्वासयोग्य रहन सकौं।
१ पत्रुस ५:२
२ तिमीहरूको देखरेखमा राखिएको परमेश्वरका बगालको हेरचाह गर। करले होइन तर स्वेच्छाले, धनको लोभले होइन तर उत्साहसाथ,
एफिसी ४:११-१२
११ अनि उहाँका वरदानहरूचाहिँ यी नै थिए, कि कोही प्रेरितहरू, कोही अगमवक्ताहरू, कोही प्रचारकहरू, कोही मण्डलीका पास्टरहरू र कोही शिक्षकहरू बनून्,
१२ कि ख्रीष्टको शरीर निर्माण होस् र सेवाको काम गर्न सन्तहरू सुसज्जित होऊन्,
Som KCSenior PastorGopal PulamiPastorSunil ThapaPastorUjjal GadalPastorKamal ThapaPastorRatan MahataraPastor
घरेलु संगति सेवा House Fellowship
मण्डली स्थापना भएदेखि नै आत्मिक वृद्धि र विश्वासको सामूहिक अभ्यासका लागि घरेलु संगति (House Fellowship) सेवा निरन्तर सञ्चालनमा रहँदै आएको छ । प्रारम्भमा केही सीमित स्थानहरूमा सुरु गरिएको यो सेवा आज विभिन्न क्षेत्रहरू — Abu Dhabi, Tourist Club area, Electra Street, Khalidiya, Baniyas, Shabia, MBZ, Musaffah, ICAD, Shahama, China Camp, Mission Centre लगायतका ठाउँहरूमा फैलिसकेको छ । हाम्रो मण्डलीले घरेलु संगति सेवालाई विशेष प्राथमिकता दिँदै आएको छ । परमेश्वरको अनुग्रहले हालसम्म विभिन्न स्थानहरूमा घरेलु संगति सेवाहरू निरन्तर सञ्चालनमा छन् ।
Church Location
Musaffah – M24 – Abu Dhabi
Our Moments
